Інфармацыю аб сістэме BelToll можна атрымаць:

• У інтэрнэце: www.beltoll.by.
• Па тэлефоне інфалініі +375 172 798 798 (званок аплачваецца па тарыфах аператара).
• У пунктах абслугоўвання кліентаў.

Пункты абслугоўвання кліентаў размешчаны, ў асноўным на заправачных станцыях, у зонах адпачынку і каля пагранічных пунктаў пропуску, і адмысловым чынам пазначаны ў сетцы платных дарог.

Сістэма BelToll - электронная сістэма збору платы за праезд па пэўных дарогах Рэспублікі Беларусь - уведзена ў камерцыйную эксплуатацыю з 1 жніўня 2013 г. Пералік платных сегментаў, якія ўваходзяць у сістэму BelToll, а таксама карта платных дарог, прыведзены на сайце beltoll.by.

BelToll – гэта электронная сістэма збору платы за праезд, заснаваная на выкарыстанні тэхналогіі спецыялізаванай радыёсувязі на кароткіх адлегласцях. Электронная сістэма збору платы за праезд у рэжыме свабоднага шматпалоснага руху забяспечвае абмен інфармацыяй паміж прыёмаперадатчыкамі, устаноўленымі на парталах спагнання аплаты, і бартавымі прыладамі, што дазваляе ажыццяўляць збор аплаты з карыстальнікаў дарогі аўтаматычна, без неабходнасці зніжэння хуткасці або выбару канкрэтнай паласы руху.

На сайце beltoll.by можна:

• знайсці актуальныя дадзеныя аб сістэме BelToll;
• атрымаць інфармацыю пра тарыфы;
• азнаёміцца з мапай платных аўтадарог;
• разлічыць кошт праезду з дапамогай калькулятара аплат;
• выканаць пошук пунктаў абслугоўвання кліентаў з указаннем адрасоў, часу працы і паслуг, якія там аказваюцца;
• выканаць рэгістрацыю ў сістэме, у тым ліку з даступнымі для запампоўкі ўзорамі дакументаў;
• атрымаць доступ у «Асабісты кабінет».

У пунктах абслугоўвання можна:

• атрымаць поўную інфармацыю аб сістэме BelToll;
• праверыць стан свайго рахунку;
• атрымаць поўны спектр паслуг па рэгістрацыі і заключэнні дагавора, скасаванню дагавора, вяртанню бартавой прылады і г.д. для дагавароў з умовай папярэдняй аплаты;
• папоўніць рахунак, унесці заклад за карыстанне бартавой прыладай і г.д. для дагавароў з умовай папярэдняй аплаты;
• атрымаць альбо замяніць бартавую прыладу (уключаючы правядзенне праверкі работы бартавой прылады);
• атрымаць бартавую прыладу, у выпадку, калі рэгістрацыя ў сістэме BelToll была зроблена праз эмітэнта паліўнай карты, а таксама закрыць рахунак/дагавор карыстання платнымі дарогамі;
• атрымаць інфармацыйныя матэрыялы аб тарыфах і сетцы платных дарог;
• падаць прэтэнзію, звязаную з функцыянаваннем сістэмы BelToll.

Прававой асновай развіцця сістэмы збору платы за праезд BelToll з'яўляецца Указ Прэзідэнта Рэспублікі Беларусь ад 27 верасня 2012 г. № 426 "Аб асобных пытаннях функцыянавання сістэмы электроннага збору платы за праезд транспартных сродкаў па пэўных дарогах Рэспублікі Беларусь".

Інфалінія прапануе інфармацыю аб сістэме BelToll і працэсу рэгістрацыі, аказвае інфармацыйную дапамогу пры рэгістрацыі ў сістэме і аказвае інфармацыйную падтрымку ў пытаннях, якія датычацца бартавых прылад (устаноўка, страта, крадзеж і г. д.).