Аплачваць праезд па платных дарогах на тэрыторыі Рэспублікі Беларусь абавязаны ўсе транспартныя сродкі з тэхнічна дапушчальнай агульнай масай больш за 3,5 тоны, за выключэннем вызваленых транспартных сродкаў, а таксама транспартныя сродкі з тэхнічна дапушчальнай агульнай масай не больш за 3,5 тоны, НЕ зарэгістраваныя на тэрыторыі дзяржаў – членаў Еўразійскага эканамічнага саюза (Беларусь, Расія, Казахстан, Кыргызстан і Арменія), за выключэннем вызваленых транспартных сродкаў.

Не. Экалагічны клас транспартнага сродку не ўплывае на памер стаўкі аплаты.

Тарыфы для разліку памеру платы за праезд транспартных сродкаў па платных аўтамабільных дарогах зацверджаны Пастановай Міністэрства транспарту і камунікацый Рэспублікі Беларусь ад 29 снежня 2012 г. № 68.

Вы можаце скарыстацца Калькулятарам аплат на сайце, які дазваляе зрабіць такія падлікі. Пасля ўнясення інфармацыі аб маршруце з указаннем пачатковай і канчатковай кропак, інфармацыі аб катэгорыі транспартнага сродку і колькасці восяў, калькулятар аплат прапануе маршрут, арыентыровачны час, які патрэбны на пазначаны шлях і меркаваны памер платы за праезд па выбраным участку платнай дарогі.

Калькулятар аплат наладжаны для разліку маршруту менавіта па платных дарогах, аднак карыстальнік можа самастойна прымаць рашэнне, якімі дарогамі ён скарыстаецца для руху па тэрыторыі Рэспублікі Беларусь.

Памер плацяжу ў электроннай сістэме BelToll залежыць ад:

• Даўжыні платнага ўчастка дарогі;
• Катэгорыі транспартнага сродку (напрыклад, ТС з тэхнічна дапушчальнай агульнай масай не больш за 3,5 тоны і ТС з тэхнічна дапушчальнай агульнай масай больш за 3,5 тоны);
• Колькасці восяў транспартнага сродку.

Ад аплаты за праезд па платных дарогах, якія ўваходзяць у сістэму BelToll, вызваляюцца наступныя транспартныя сродкі:

• транспартныя сродкі, зарэгістраваныя на тэрыторыі дзяржаў-членаў ЕАЭС (Беларусь, Расія, Казахстан, Кыргызстан і Арменія), з тэхнічна дапушчальнай агульнай масай не больш за 3,5 тоны, і прычэпы, якія імі буксіруюцца;
• транспартныя сродкі з тэхнічна дапушчальнай агульнай масай не больш за 3,5 тоны, не зарэгістраваныя на тэрыторыі дзяржаў – членаў Еўразійскага эканамічнага саюза, увезеныя фізічнымі асобамі на мытную тэрыторыю Еўразійскага эканамічнага саюза або набытыя фізічнымі асобамі на тэрыторыі дзяржаў–членаў Еўразійскага эканамічнага саюза і ўвезеныя на тэрыторыю Рэспублікі Беларусь, і прычэпы, што імі буксіруюцца, – на працягу 10 дзён адпаведна з дня іх выпуску мытнымі органамі ў мэтах абароту на мытнай тэрыторыі Еўразійскага эканамічнага саюза без абмежаванняў па карыстанні і распараджэнні або з дня іх набыцця;
• мапеды і матацыклы;
• колавыя трактары і самаходныя машыны, зарэгістраваныя на тэрыторыі Рэспублікі Беларусь;
• транспартныя сродкі аператыўнага прызначэння*;
• транспартныя сродкі, якія выкарыстоўваюцца ў мэтах забеспячэння абараназдольнасці і правапарадку*;
• маршрутныя транспартныя сродкі, якія ажыццяўляюць гарадскія перавозкі пасажыраў *;
• транспартныя сродкі, якія выкарыстоўваюцца ў мэтах ліквідацыі надзвычайных сітуацый або перавозак грузаў гуманітарнай дапамогі насельніцтву Рэспублікі Беларусь і іншых краін*.

* Уладальнікам гэтых транспартных сродкаў у абавязковым парадку неабходна звярнуцца ў ДУ «Белаўтастрада» (220073, г. Мінск, 4-ты Загарадны завулак, 58а) для заключэння дагавора на карыстанне платнай дарогай у рэжыме вызвалення ад платы за праезд. Форму заявы на заключэнне дагавора можна спампаваць тут.