Парушэнні

Неаплата

• адсутнасць на транспартным сродку бартавой прылады, за выключэннем прадугледжаных заканадаўствам выпадкаў;
• адсутнасць сапраўднай электроннай віньеткі для транспартнага сродку з пэўным рэгістрацыйным знакам;
• выкарыстанне бартавой прылады, рэшта сродкаў перадаплаты на балансе якой менш за суму, якую трэба ўнесці ў якасці платы за праезд па разліковым сегменце;
• выкарыстанне нерабочай бартавой прылады;
• выкарыстанне бартавой прылады, якая не дазваляе аплаціць праезд ва ўстаноўленым парадку;
• выкарыстанне бартавой прылады з парушэннем парадку тэхналагічнай эксплуатацыі;
• неправамернае выкарыстанне бартавой прылады, прызначанай для транспартных сродкаў, вызваленых ад аплаты праезду па платных дарогах.

Няпоўная аплата

• выкарыстанне на транспартным сродку бартавой прылады з усталяванай колькасцю восей, меншай за тую, што прадугледжана для гэтага транспартнага сродку парадкам тэхналагічнай эксплуатацыі;
• выкарыстанне бартавой прылады, не персаналізаванай для гэтага транспартнага сродку і рэгістрацыйнага знака, усталяванага на ім.

Згодна з пунктамі 57 і 58 Палажэння аб парадку спагнання платы за праезд транспартных сродкаў па платных аўтамабільных дарогах Рэспублікі Беларусь, зацверджанага пастановай Савета Міністраў Рэспублікі Беларусь N 340 ад 30.04.2013, у выпадку выяўлення факта парушэння парадку карыстання платнымі дарогамі з уласніка (уладальніка) транспартнага сродку спаганяецца плата ў павялічаным памеры.

Доказамі факта неаплаты і (або) няпоўнай аплаты з’яўляюцца:

• інфармацыя, якую аўтаматычна генерыруе сістэм кантролю аплаты, уключаючы час, дату і месца перасячэння станцыі збору платы;
• выяўленне ўпаўнаважанай службовай асобай Транспартнай інспекцыі прыкмет неаплаты і (або) няпоўнай аплаты.

У выпадку выяўлення парушэння парадку аплаты ўпаўнаважаная службовая асоба Транспартнай інспекцыі складае акт парушэння, які ўключае патрабаванне ўнесці плату ў павялічаным памеры і квітанцыю з указаннем сумы платы ў павялічаным памеры.

Парушальнік мае права ўнесці плату ў павялічаным памеры не пазней, чым праз 30 дзён з моманту складання акта парушэння.

Памер платы за праезд транспартных сродкаў па платных аўтамабільных дарогах Рэспублікі Беларусь у павялічаным памеры вызначаны Пастановай Міністэрства транспарту і камунікацый Рэспублікі Беларусь ад 17.06.2013 №21.

Некарэктнае выкарыстанне бартавой прылады (тыпы здарэнняў)

У адпаведнасці з заканадаўствам кожнаму здарэнню прысвойваецца пэўны тып. Здарэнні, зафіксаваныя ў дачыненні да аднаго транспартнага сродку на працягу дзвюх гадзін, групуюцца ў адно парушэнне. Від парушэння вызначаецца па найбольш сур’ёзным здарэнні ў складзе парушэння. У адпаведнасці з відам парушэння вызначаецца сума платы ў павялічаным памеры.

Тып здарэння абазначаецца лічбай у Дадатку да Акта парушэння. Таксама там прыводзіцца расшыфроўка значэння кожнай лічбы, якая адпавядае кожнаму тыпу здарэння.

У залежнасці ад тыпу здарэння адрозніваюцца і прычыны, па якіх фарміруюцца парушэнні:

SMS аб парушэннях

З 1 мая 2020 года карыстальнікам платных дарог Беларусі даступныя новыя функцыі, якія дазваляюць атрымліваць паведамленні аб парушэннях і на працягу дзвюх гадзін уносіць па іх плату па разавым тарыфе, пазбягаючы тым самым спагнання платы ў павялічаным памеры. Актываваць функцыю SMS-апавяшчэння аб парушэннях і (або) функцыю ўнясення платы за праезд па разавым тарыфе ў аўтаматычным рэжыме можна ў Асабістым кабінеце на гэтым сайце.